Proxectos
Centro de Rehabilitación
Ante a carencia en Galicia de recursos post-hospitalarios integrais para os Lesionados Medulares e as súas familias, Aspaym-Galicia demanda a creación dun centro dotado de persoal altamente cualificado e con material técnico especializado, para que os lesionados medulares poidan ser atendidos de forma constante na súa rehabilitación integral e no mantemento necesario para evitar a súa deterioración persoal.
Oficina de Vida Independente
Aspaym-Galicia promove a creación dunha Oficina de Vida Independente (OVI) en Galicia, a cal ofrecería non só Servizos de Asistencia Persoal senón, tamén, un "Servizo de Asesoramento e Formación en Vida Independente e Asistencia Persoal".