IV Convocatoria Nacional de Bolsas á Formación dirixida a Estudiantes con Discapacidade. Fundación MAPFRE
Fundación MAPFRE, entidade sen ánimo de lucro, promove a "IV Convocatoria Nacional de Bolsas á Formación dirixida a Estudantes con Discapacidade", coa finalidade de sufragar as cargas económicas, orixinadas pola necesidade de axudas técnicas, o desprazamento ás actividades académicas e/ou a adquisición de materiais didácticos.
A quen vai dirixida?
A convocatoria está aberta ós estudantes con discapacidade de calquera das universidades españolas e centros de formación profesional regulada, matriculados en:
- Titulacións de carácter oficial de 1º e 2º Ciclo (Licenciaturas, Diplomaturas e Enxeñarías), estudos de Grao e Cursos de Acceso para maiores de 25 e 45 anos.
- Postgraos Oficiais (Máster e Doutorado) e Títulos Propios de Máster, Especialista Universitario e Experto Universitario.
- Ciclos Formativos de Grao Medio e Superior.
- Ensinanzas de Réxime Especial: Artística, de Idiomas ou Deportivas.
Poderán optar a estas bolsas aquelas persoas que teñan recoñecida legalmente a condición de "persoa con discapacidade" cunha porcentaxe igual ou superior ó 33%, matriculadas nalgunha das universidades españolas ou centros de formación profesional regulada durante o curso 2012-2013, en calquera dos programas de estudo arriba mencionados.
Documentación Obrigatoria
Os solicitantes deberán cumprir o formulario de solicitude online, e achegar a seguinte documentación obrigatoria xunto coa solicitude:
- Certificado de Discapacidade
- Dictámen Técnico Facultativo ou certificado médico oficial no que se recolla o diagnóstico da persoa solicitante.
- Fotocopia do documento acreditativo da identidade do solicitante (DNI, NIE ou pasaporte)
- Última declaración do IRPF propia ou, no seu defecto, da unidade familiar.
- No caso de percibir algunha prestación asociada á discapacidade ou incapacidade, certificado ou documento acreditativo da contía percibida no último ano natural ou da contía a percibir no ano en curso
Selección de Solicitudes
FUNDACIÓN MAPFRE formará un Comité de Bolsas que seleccionará e decidirá, entre todas as solicitudes, as que optarán a unha das bolsas obxecto da presente convocatoria, reservándose o dereito a declarar deserta total ou parcialmente a convocatoria.
A decisión do Comité será irrevogable.
Prazos 2012
3 de maio a 15 de xuño de 2012
O solicitante/candidato á axuda, deberá achegar a "documentación obrigatoria" indicada anteriormente nas presentes bases, xunto ao formulario de solicitude on line dispoñible no portal de FUNDACIÓN MAPFRE www.fundacionmapfre.com
18 a 31 de xullo de 2012
FUNDACIÓN MAPFRE comunicará as axudas condicionadas á matriculación e as axudas finalmente non concedidas.
3 de setembro a 26 de outubro de 2012
Matriculación dos estudantes nas súas correspondentes Universidades e Centros de Formación Profesional Regulada, aos que se lles concedeu a axuda condicionada.
*A concesión desta bolsa NON É INCOMPATIBLE co resto de convocatorias doutras entidades, coa única excepción das convocatorias publicadas polo Ministerio de Educación.
Para máis información, consultar as Bases da Convocatoria 2011