Apoyo saludable en red ASPAYM Galicia 2025

Programa subvencionado pola Consellería de Política Social e Igualdade da Xunta de Galicia con cargo á asignación tributaria do 0,7 % do IRPF (Tramo Autonómico).

📅 Período de execución: 1 de xaneiro – 31 de decembro de 2025

👥 Persoas beneficiarias directas: 75 persoas

🌍 Ámbito territorial: Comunidade Autónoma de Galicia

🔎 Descrición

O Programa Apoio Saudable en Rede ten como finalidade mellorar a calidade de vida das persoas con lesión medular e grandes discapacidades físicas mediante o acceso a información especializada, ferramentas prácticas e espazos de intercambio de experiencias a través dun formato online.

Tras a pandemia e os cambios nos hábitos de participación presencial, detectouse un aumento da demanda de información sobre hábitos saudables, deporte adaptado, benestar psicolóxico, coidados físicos e resolución de dúbidas vinculadas á vida cotiá tras a lesión medular. O programa responde a estas necesidades creando unha canle estable de información e participación en rede.

🎯 Obxectivos

Obxectivo xeral
Aumentar a calidade de vida achegando ferramentas de información especializada e facilitando o intercambio de experiencias entre persoas con lesión medular e grandes discapacidades físicas.

Obxectivos específicos

Mellorar a calidade de vida das persoas usuarias e das súas familias.

Promover hábitos de vida saudables.

Ofrecer información actualizada e específica sobre lesión medular e grande discapacidade física.

Favorecer a integración social e a normalización no entorno comunitario.

Fomentar as relacións sociais e previr o illamento.

Empoderar ás persoas e ás súas familias no proceso de adaptación á discapacidade.

🛠 Actuacións desenvolvidas

Reunións do equipo multidisciplinar.

Deseño de intervencións e planificación temática.

Selección de profesionais especializados.

Organización e impartición de conferencias e “faladoiros” online.