Servizo de Apoio Psicosocial

O Servizo de Apoio Psicosocial ao Novo Lesionado Medular lévase a cabo unha vez que o paciente abandona o Hospital. Este servizo pretende ofrecer ao Lesionado Medular, e aos seus familiares e/ou achegados, unha atención individualizada e/ou grupal, orientada á construción de habilidades, destrezas e recursos que lles permitan enfrontarse aos seus problemas persoais asociados á minusvalidez. A atención realízase a través dun equipo de psicólogos e traballadores sociais que se encargan de elaborar un diagnóstico psicosocial personalizado para despois intervir con tratamentos ou orientacións específicos, co fin de lograr a superación dos devanditos problemas e axudar ás persoas lesionadas, e aos seus familiares, no proceso de incorporación do novo Lesionado Medular á vida social normalizada.